Lamtumira tjetër e Lorik Canës, sot shkelmon topin në “Velodrome”

Kampionati francez do të kulmojë në mbrëmje me supersfidën e javës së 10-të mes Marsejës dhe PSG-së. E quajtur ndryshe “Le Classique”, kjo përballje është nga më të zjarrtat për shkak të rivalitet shumë të egër të këtyre dy skuadrave.

Takimi i sotëm do të ofrojë një emocion akoma më të veçantë. Do të jetë kapiteni legjendar i Kombëtares shqiptare, Lorik Cana ai që do të shkelmojë topin e parë në “Velodrome”, ndaj ish-ekipit të tij të parë në futbollin profesionist.

Respekt, krenari dhe emocion i jashtëzakonshëm për një ikonë si Lorik Cana, i cili do të nderohet nga dy klube të elitës evropiane, të cilat kanë në përbërjen e tyre shumë yje. Kujtojmë që ish-kapiteni i Kombëtares i dha zyrtarisht lamtumirë futbollit të luajtur në ndeshjen ndaj Italisë, të zhvilluar në “Loro Boriçi”.

/panoramasport/