Pas denoncimeve nga qytetarët se po mashtrohen nga sekserët për proçesin e legalizimeve, drejtori i përgjithshëm i ALUIZNI Artan Lame u kërkon qytetarëve të mos ia hapin derën askujt që nuk disponon një dokument zyrtar si punonjës i këtij institucioni
“Mos ju zini besë personave që ju paraqiten në shtëpitë tuaja pa qenë të pajisur me dokumentin përkatës të identifikimit dhe të punonjësit të ALUIZNI-t. Mos ju hapni derën personave që ju vijnë pa këtë dokument të varur në qafë”, tha Lame.
Ndërsa lidhur me shqetësimin që vjen nga nevoja për legalizimin e pallateve të braktisura nga ndërtuesi, të cilëve nuk u dihet as emri, Lame thotë:
“Qytetarët kanë vetëm dy detyrime. E para me durim të plotësojnë dokumentat kur ju kërkohet nga punonjësit tanë. E dyta të vijnë të trokasin dhe të thonë: Shiko, është edhe ky pallat! Sepse jo të gjitha janë të deklaruara. Nëse mund të shtoja dhe një gjë të tretë t’u bëjnë presion ndërtuesve t’i thonë shko dhe apliko dhe ndiq procedurat që kërkon drejtoria përkatëse”, u shpreh Lame.
