Lufta hibride serbo-ruse ndaj Kosovës është bërë vërtet e një intensiteti të lartë. Pas kërcënimeve me praninë e ushtrisë së Serbisë në kufi me Kosovën, sabotimit të policëve serb të Policisë së Kosovës për t’i kryer detyrat shtetërore sipas hierarkisë (në prani të eksponentëve të Listës Serbe), edhe mediat serbe dezinformojnë për rastin e Pejës.
Videoja e dhunimit të një gruaje të shtyrë në moshe nga punëtorë të papërgjegjshme në Pejë, që bëri bujë në mediat e Kosovës, ka depërtuar dhe në Serbi. E njëjta video po përdoret nga mediat serbe se “viktima është një e moshuar serbe”, e cila sipas tyre “keqtrajtohet nga infermieret shqiptare”.
Për njohësin e sigurisë, Agim Musliu, ky është një tjetër keqpërdorim i skajshëm i fakteve nga propaganda serbo-ruse për qëllimet e tyre.
