Manjani: Nuk kam dhënë dorëheqje dhe as kam ndërmend të dorëhiqem
Ministri i Drejtësisë, Ylli Manjani ka hedhur poshtë të gjitha lajmet që qarkullonin se ai është larguar nga detyra.
Nëpërmjet një statusi në facebook Manjani thotë: “…as nuk ka dhënë dorëheqje, e as nuk kam një njoftim zyrtar që të jem shkarkuar.”
Manjani më tej sqaron se lajmi i rremë për shkarkimin e tij nga posti i ministrit të Drejtësisë lidhet me anullimin e një konference për shtyp, të cilën ai thotë se nuk e ka kryer për arsye shëndetësore.
Statusi i plotë i Manjanit
Mirëmbrëma,
Miq e të njohur më informuan këtë mbrëmje të diele, që portalet kanë shkruar mbi dorëheqjen e më pas shkarkimin tim nga Qeveria. Këto lajme lidhen edhe me anulimin e një konference për shtyp timen. Dëshiroj tu informoj se:
1. Nuk kam dhënë dorëheqje nga detyra! Smë ka shkuar ndërmend një
gjë e tillë!
2. Nuk kam asnjë njoftim zyrtar që të jem shkarkuar!
3. Konferencën për shtyp e kisha thirrur për të anoncuar paketën e ndryshimeve në legjislacionin Penal pas dakortësimeve që kam marrë nga kolegët e mi ministra dhe aktorë të tjerë të interesuar! E anulova këtë gjë për arsye thjesht shëndetësore!
Natën e mirë!
