Nga Xhildinho Ozuni
Lajmi i rremë, që u shpërnda sot në lidhje me financimet greke të gazetarëve dhe personaliteteve shqiptare është përgatitur nga një individ i quajtur Festim Lato, i cili vetdeklarohet si “President i Rep. së Çamërisë”.
Fillimisht vasalët e Festim Latos(i cili ka mashtruar mjaft çamë) e përgatitën lajmin duke përmendur burime të rreme, në këtë rast gazetën greke Eleftheri Ora dhe më pas e publikuan, ditën e djeshme, në këtë blogspot: https://taulantribe.blogspot.com/2018/10/ja-kush-ka-perfituar-para-nga-greqia-ne.html?m=1
Ky link citon gazetën greke Eleftheri Ora si autore e publikimit por nuk ka asnjë provë ose qoftë edhe një foto të burimit, ku të jetë e shfaqur kjo listë e personazheve, që citohen në të. Nëse hyn në portalin e gazetën greke Eleftheri Ora, këtë lajm nuk e gjen kurrkund.
Por kjo nuk është hera e parë, që Festim Lato e bën këtë gjë. Në faqen e tij në Facebook, ai publikon lajme të rreme e konspiracione, ku vlerëson figurën e tij lart. Ai citon burime të rreme të gazetave greke përfshirë edhe Kathimerini siç e shihni në fotot e mëposhtme.
