Parlamenti holandez ka votuar sot rikthimin e vizave për shqiptarët. Pas këtij votimi në Parlament, qeveria e Holandës do t’i kërkojë Bashkimit Europian të nisë procedurën për të rikthyer vizat.
Tanimë kjo çështje është në dorë të Brukselit nqs shqiptarëve do t’u penalizohet sërish lëvizja e lirë.
Shkak për vendosjen e vizave është bërë kriminaliteti i raportuar në rritje i shqiptarëve.
“The Mirror” para disa ditësh deklaroi se Hollanda dhe portet e saj janë pika kryesore për qarkullimin e drogës dhe të armëve nga shqiptarët. Sipas parlamentit hollandez, ky është një vendim i drejtë për reduktimin e krimineleve dhe të mafiozëve shqiptarë.
Për këtë vendim ka reaguar edhe ish-deputeti i LSI-së, Petrit Vasili. Ai shprehet se fajtor për këtë lajm të zi është vetëm kryeministri i cili po e çon Shqipërinë drejt greminës.
“Lajm shume i hidhur,Holanda, Parlamenti i saj votoi sot,qe shqiptareve tu vendosen vizat.
Shqiptaret per shkak te kriminalizimit te qeverise dhe kryeministrit denohen qe tu vendosen serisht vizat.
Kryeministri dhe qeveria nuk e luftojne krimin por mbeshteten tek ai dhe perdoren prej tij.
Opozita po kerkon me force largimin e kryeministrit sepse cdo dite qe ai rri ne karrige eshte dite e zeze per shqiptaret.
Sot shqiptaret moren lajmin me te keq qe mund te mendohej.
Ka vetem nje fajtor, ai eshte kryeministri qe po con vendin drejt gremines.
Asnje hap pas per largimin e tij si shpetimin e vetem te Shqiperise nga te tjera menxyra dhe nga te tjera lajme te zeza.”
