Zbardhet vrasja e ish-Drejtorit të OST për Veriun Saimir Jaku në Rrëshen. Policia në një konferencë për mediat, duke mos dhënë detaje të shumta për shkak të hetimeve tha se është arrestuar një person si autori i dyshuar i krimit.
Saimir Jaku, ish-Drejtor i OST për Veriun u vra në një lokal në qendër të Rrëshenit në shtator 2016. Sipas policisë, i arrestuari ka inicialet D.K dhe gjatë kontrollit në banesën e tij janë gjetur 21 aparate celulari.
“Po punojmë intensivisht për dokumentimin e plotë të ngjarjes”, tha policia.
Saimir Jaku, 33 vjeç, u ekzekutua me breshëri automatiku më 9 shtator 2016 rreth orës 09:40, në një nga lokalet më të frekuentuara të Rrëshenit. Ai i kishte shpëtuar një atentati dhe më parë.
