Drejtori i Përgjithshëm i Policisë së Shtetit, Gledis Nano i emëruar në krye të Policisë vjeshtën e vitit të shkuar mund të ketë dhënë dorëheqjen nga detyra.
Lajmi nuk është konfirmuar ende zyrtarisht.
Mësohet se Nano i ka dorëzuar dorëheqjen kryeministrit Edi Rama dhe zyrtarizmi i largimit nga detyra do të bëhet pasnesër (ditë e mërkurë) në mbledhjen e Këshillit të Ministrave ku do të jepet edhe emri i drejtorit të ri.
E teksa siguria në vend është cenuar disa herë, ndërsa ngjarja më e rëndë, ajo e zhdukjes së Ervis Martinajt e cila ende nuk është zbardhur.
Ngjarjet kriminale dhe situata ku ndodhet Policia e Shtetit janë arsyet kryesore të largimit të Nanos ndërsa siç bëjnë me dije burime koefidenciale për Dosja.al, gati është edhe zëvendësuesi i tij.
