Tirana do të ketë këtë fundjavë një ndeshje shumë të vështirë.
Ekipi i drejtuar nga Ilir Daja do të udhëtojë drejt Laçit, ku do të ndeshet me ekipin vendas.
Fusha kurbinase është kthyer në një tabu të vërtetë për bardhebultë, që nuk fitojnë që nga viti 2012 në Laç.
Në 6 ndeshjet e fundit në fushën e Laçit, Tirana është mundur 4 herë dhe ka barazuar dy ndeshje të tjera.
Statistikat bëhen edhe më të rënda, pasi në këto ndeshje Tirana ka shënuar vetëm një gol.
Për fat të Tiranës, në këtë ndeshje Laçi nuk do të ketë një nga lojtarët e saj më të mirë vitet e fundit, sulmuesin Xhejms, që tashmë është transferuar tek Skënderbeu.
