Pas tërmetit me amplitudë 6.4 të shkallës Rihter që preku Shqipërinë mëngjesin e 26 nëntorit, ku humbën jetën 41 persona dhe u plagosën mijëra të tjerë, shumë familje kanë humbur shtëpitë e tyre.
Në këto kushte por edhe në gjendjen e panikut që ndodhen këto familjarë janë vendosur në çadra strehimi që janë vendosur nga bashkitë e qyteteve përkatëse. Në këto momente në qytetin e Laçit kanë nisur reshje të dendura të shiut.
Kushtet e vështira klimaterike ka krijuar mjaft probleme në çadrat e banorëve të prekur nga tërmeti. Mësohet se si pasojë e reshjeve uji ka depërtuar nën çadra, banorëve po ju lagen rrobat dhe dyshekët, pasi sasia e ujit është përhapur në të gjithë hapësirën e çadrave.
https://www.instagram.com/p/B5aycprFrI3/?igshid=1bwbj5pqyrgkd
