Gjyqtarja e Gjykatës së Kukësit Alma Ahmeti që vendosi sot masën e sigurisë “arrest me burg” për 11 nga 23 kuksianët e arrestuar gjatë protestës në Rrugën e Kombit ka lënë Gjykatën e Tiranës pak minuta më parë.
Ajo ka dalë nga salla e Gjykatës së Tiranës e shoqëruar me forca të shumta policie. Gjyqtarja u pa sot në mesditë në sallën e gjyqit duke lexuar me shpejtësi vendimin ashtu sikurse kishte kërkuar prokuroria.
Vendimi për masën e sigurisë për 23 protestuesit e arrestuar u dha në Gjykatën e Tiranës me pretendimin se Gjykata e Kukësit nuk kishte kapacitete.
