Ndeshja Valencia-Real Madrid, e përfunduar me triumfin e vendasve (1-0), do të mbahet mend për dy gjëra, sigurimin matematik të mbijetesës nga ana e vendasve si dhe, më e keqja, për koret raciste në adresë të futbollistit të Real Madrid, Vinicius Junior.
Fundi i takimit i ka rezervuar të gjitha, ofendime, tension, kore raciste, akuza të ndërsjella, arbitrim skandaloz, një karton të kuq për Vinicius, “fajtor” vetëm se reagoi ndaj Hugo Duros së Valencias, i cili kishte qëllim të mbyste brazilianin, duke e shtrënguar nga mbrapa në qafë, me të gjithë forcën (pamjet e VAR, nuk dëshiruan ta shfaqnin atë moment, duke u fokusuar ekskluzivisht vetëm te reagimi i fantazistit një-herë kampion të Europës). Nuk mbaron me aq:
Trajneri i mbretërorëve, Carlo Ancelotti, e bëri të qartë, që në raste të tilla, ndeshja duhet pezulluar, arbitri i takimit, duhet thënë kjo, i paralajmëroi dy herë tifozët e Valencias, por pa rezultat.
Gjatë pak orëve pas përfundimit të ndeshjes, Vini shprehu të tërë indinjatën e tij, për mënyrën se si po i menaxhon La Liga këto situata dhe se Tebas (presidenti i Ligës), injoron të gjithë situatën.
Këtë të hënë, klubi 14-herë fitues i UEFA Champions League, ka dalë me një komunikatë për shtyp, ku shpreh të gjithë indinjatën për atë që ndodhi në Komunitetin Valencian. Në komunikatë, theksohet se kjo çështje ka për të përfunduar në prokurorinë e shtetit, nëse organet disiplinore spanjolle nuk veprojnë si duhet.
Deklarata e plotë
Real Madrid CF tregon neverinë e tij më të fortë dhe dënon ngjarjet e ndodhura dje kundër lojtarit tonë Vinícius Junior.
Këto fakte përbëjnë një sulm të drejtpërdrejtë ndaj modelit të bashkëjetesës së shtetit tonë demokratik, social si dhe të së drejtës.
Real Madrid konsideron se sulme të tilla përbëjnë edhe krim urrejtjeje, për këtë arsye ka bërë ankesën përkatëse në Prokurorinë e Përgjithshme të Shtetit, konkretisht në Prokurori kundër krimeve të urrejtjes dhe diskriminimit, në mënyrë që të hetohen faktet dhe të qartësohen përgjegjësitë.
Neni 124 i Kushtetutës spanjolle përcakton funksionet e Prokurorisë Publike për të nxitur veprimin e drejtësisë në mbrojtje të ligjshmërisë dhe të drejtave të qytetarëve dhe interesit publik. Për këtë arsye dhe nisur nga serioziteti i ngjarjeve të ndodhura, Real Madridi i është drejtuar Prokurorisë së Përgjithshme të Shtetit, pa paragjykuar paraqitjen e tij si akuzues i veçantë në procedimet që do nisin.
Ndeshja Valencia-Real Madrid, e përfunduar me triumfin e vendasve (1-0), do të mbahet mend për dy gjëra, sigurimin matematik të mbijetesës nga ana e vendasve si dhe, më e keqja, për koret raciste në adresë të futbollistit të Real Madrid, Vinicius Junior.
Fundi i takimit i ka rezervuar të gjitha, ofendime, tension, kore raciste, akuza të ndërsjella, arbitrim skandaloz, një karton të kuq për Vinicius, “fajtor” vetëm se reagoi ndaj Hugo Duros së Valencias, i cili kishte qëllim të mbyste brazilianin, duke e shtrënguar nga mbrapa në qafë, me të gjithë forcën (pamjet e VAR, nuk dëshiruan ta shfaqnin atë moment, duke u fokusuar ekskluzivisht vetëm te reagimi i fantazistit një-herë kampion të Europës). Nuk mbaron me aq:
Trajneri i mbretërorëve, Carlo Ancelotti, e bëri të qartë, që në raste të tilla, ndeshja duhet pezulluar, arbitri i takimit, duhet thënë kjo, i paralajmëroi dy herë tifozët e Valencias, por pa rezultat.
Gjatë pak orëve pas përfundimit të ndeshjes, Vini shprehu të tërë indinjatën e tij, për mënyrën se si po i menaxhon La Liga këto situata dhe se Tebas (presidenti i Ligës), injoron të gjithë situatën.
Këtë të hënë, klubi 14-herë fitues i UEFA Champions League, ka dalë me një komunikatë për shtyp, ku shpreh të gjithë indinjatën për atë që ndodhi në Komunitetin Valencian. Në komunikatë, theksohet se kjo çështje ka për të përfunduar në prokurorinë e shtetit, nëse organet disiplinore spanjolle nuk veprojnë si duhet.
Deklarata e plotë
Real Madrid CF tregon neverinë e tij më të fortë dhe dënon ngjarjet e ndodhura dje kundër lojtarit tonë Vinícius Junior.
Këto fakte përbëjnë një sulm të drejtpërdrejtë ndaj modelit të bashkëjetesës së shtetit tonë demokratik, social si dhe të së drejtës.
Real Madrid konsideron se sulme të tilla përbëjnë edhe krim urrejtjeje, për këtë arsye ka bërë ankesën përkatëse në Prokurorinë e Përgjithshme të Shtetit, konkretisht në Prokurori kundër krimeve të urrejtjes dhe diskriminimit, në mënyrë që të hetohen faktet dhe të qartësohen përgjegjësitë.
Neni 124 i Kushtetutës spanjolle përcakton funksionet e Prokurorisë Publike për të nxitur veprimin e drejtësisë në mbrojtje të ligjshmërisë dhe të drejtave të qytetarëve dhe interesit publik. Për këtë arsye dhe nisur nga serioziteti i ngjarjeve të ndodhura, Real Madridi i është drejtuar Prokurorisë së Përgjithshme të Shtetit, pa paragjykuar paraqitjen e tij si akuzues i veçantë në procedimet që do nisin.
