Kampionati spanjoll rezervon sot në mbrëmje një supersfidë.
Sot luhet përballja mes “merengues”-ve e “blaugrana”-ve, e konkretisht Barcelona-Atletico Madrid.
Katalanasit do të kërkojnë ta fitojnë këtë përballje ndaj “Los Colchoneros”, të cilët kohët e fundit kanë qenë një pengesë e madhe për cdo kundërshtarë. Trajneri i Barcelonës, Luis Enrique theksoi se, futbollistët e tij duhet të bëjnë sa më pak gabime në ndeshjen me Atleticon.
Të dy trajnerët, Luis Enrique dhe Simeone, e kanë shumë të qartë se cilët lojtarë do të hedhin në fushë dhe në cilën zonë do të vendoset ndeshja. Nëse trajneri i Atletico Madrid do të kujdeset për “zonat e rëndësishme”, ku luan MSN, Barcelona është e vetëdijshme për prapavijën acaruese dhe të pakalueshme që arrin të ndërtojë Diego Simeone sa herë luan kundër saj. Ndeshja do të drejtohet nga gjyqtari Fernández Borbalán, i cili sezonin e kaluar gjykoi duelin Real Madrid-Barcelona 0-4, në “Bernabeu”.
Barcelona, vjen pas një humbje shokuese me Alaves në “Camp Nou”, duke kërkuar fitoren në ndeshje me Atleticon. “Los Colchoneros” vijnë pas dy fitoreve me goleada; atë 7-0 ndaj Celtic në Ligën e Kampioneve dhe 5-1 ndaj Leganes në kampionat, fundjavën e kaluar. Në 8 ndeshjet e fundit që Barcelona e Atletico kanë zhvilluar në “Camp Nou”, 5 i kanë fituar katalanasit dhe 3 kanë përfunduar në barazim.
Barcelona gjendet për momentin në vendin e tretë në kampionatin spanjoll me 9 pikë, ndërsa Atletico është e pesta me 8 pikë.