Blendi Salaj ka qëndruar 27 orë në transmetim dhe ky nuk është viti i parë që e bën. Në programin e tij “Klubi i mëngjesit” në Club FM, çdo vit mbërrijnë më shumë dhurata për fëmijët në nevojë. Jo të gjithë kanë mundësinë të blejnë për fëmijët. Kështu që emisioni ka menduar sërish për këtë.
Përgjatë transmetimit maratonë, shumë fëmijë, biznese dhe njerëz të njohur të televizionit mbërritën me dhurata në ambientet e radios. Dikush me arusha, dikush me lodra. Blendi Salaj i kontaktuar nga Tiranapost.al dha disa detaje më shumë për këtë nismë kaq simpatike. Ai tregoi se i rëndësishëm nuk është vetëm sigurimi i lodrave për fëmijët në nevojë, por edhe t`i mësosh fëmijët që i kanë dhomat plot me lodra, që të dhurojnë.
“Me shpërndarjen e dhuratave nuk merremi ne, pasi nuk e dimë se ku janë realisht nevojat. Jemi të lidhur me shoqata si World Vision, Kishën Ungjillore, apo Komunitetin Mysliman. Se për ne nuk ka rëndësi kush i merr dhuratat. Pavarësisht nëse janë Krishtlindjet, të gjithë fëmijët i duan ato. Nuk e kemi parë si diçka fetare këtë nismë.”
E pyetëm edhe nëse djali i Blendit kishte dhënë dhuratën e tij. “Po edhe Brian dhuroi. Ai na dha ngjyrat e tij”, tha Blendi. “Një pjesë e lodrave të këtij viti u shpëndanë në Elbasan dhe për fëmijët në situatë rrugë”, e përmbylli ai.
Nuk mund të mos e themi sërish; A ka gjë më të bukur se fëmijët kur dhurojnë për fëmijët? Disa i bëjnë të Nadine të dobishëm e altruistë, të tjerëve që jetojnë në varfëri, se ashtu erdhën mundësitë, i zbukurojnë festat me dhurata. Epo ja, ky është babagjyshi.
