Kryetari i Partisë Demokratike, Sali Berisha ka vazhduar me akuzat për kryeministrin Edi Rama dhe lidhjen e tij me zyrtarin e arrestuar të FBI, Charles McGonigal.
Në një postim të fundit, Berisha ka publikuar foton e kryeministrin me Dorian Duçkën, i cili shënohet jozyrtarisht në aktakuzën e FBI si “personi B”. Për Berishën, B është Duçka. Në aktakuzë, personi B përshkruhet si këshilltari jozyrtar i kryeministrit shqiptar, që prezantohet me adresë, llogari emaili dhe të dhëna të qeverisë dhe kryeministrit.
Postimi i Berishës:
Rama me këshilltarin e tij Dorian Duçka në Kiev!
Ps. Personi në cep majtas me shishe në dorë është famozi Dorian Duçka.
Vetë Duçka, më herët në një komunikim me Euronews Albania, nuk ka pranuar të japë asnjë koment në lidhje me çështjen “McGonigal”. Reagimet vijnë një ditë pas publikimit të dosjes së plotë dhe aktakuzës me 9 pika që FBI ka kopsitur për ish-agjentin dhe shefin e kundërzbulimit të FBI, Charles McGonigal. Faqet e dosjes tregojnë shumë për zhvillimet politike të 5 viteve të fundit edhe në Shqipëri, ku protagonist është kryeministri Edi Rama dhe lufta e tij kundër opozitës. McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, që janë përkatësisht Agron Nezaj e Dorian Duçka, të dy të lidhur me qeverinë shqiptare. Nezaj del në dosje si njeriu që i jep 225 mijë dollarë McGonigal në mënyrë që të ndërhyjë në FBI që të nisë hetimin për personin që po lobonte në SHBA për PD-në, në vitin 2017 kur drejtohej nga Lulzim Basha. Supozohet që bëhet fjalë për Nicolas (Nick) Muzin. Ndërsa Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI. Vetë Rama thotë se akuzat e ngritura ndaj McGonigal nuk kanë lidhje me të.
Kryetari i Partisë Demokratike, Sali Berisha ka vazhduar me akuzat për kryeministrin Edi Rama dhe lidhjen e tij me zyrtarin e arrestuar të FBI, Charles McGonigal.
Në një postim të fundit, Berisha ka publikuar foton e kryeministrin me Dorian Duçkën, i cili shënohet jozyrtarisht në aktakuzën e FBI si “personi B”. Për Berishën, B është Duçka. Në aktakuzë, personi B përshkruhet si këshilltari jozyrtar i kryeministrit shqiptar, që prezantohet me adresë, llogari emaili dhe të dhëna të qeverisë dhe kryeministrit.
Postimi i Berishës:
Rama me këshilltarin e tij Dorian Duçka në Kiev!
Ps. Personi në cep majtas me shishe në dorë është famozi Dorian Duçka.
Vetë Duçka, më herët në një komunikim me Euronews Albania, nuk ka pranuar të japë asnjë koment në lidhje me çështjen “McGonigal”. Reagimet vijnë një ditë pas publikimit të dosjes së plotë dhe aktakuzës me 9 pika që FBI ka kopsitur për ish-agjentin dhe shefin e kundërzbulimit të FBI, Charles McGonigal. Faqet e dosjes tregojnë shumë për zhvillimet politike të 5 viteve të fundit edhe në Shqipëri, ku protagonist është kryeministri Edi Rama dhe lufta e tij kundër opozitës. McGonigal ka zhvilluar takime të njëpasnjëshme me kryeministrin Edi Rama dhe dy persona që në dosje emërtohen si ‘Personi A’ dhe ‘Personi B’, që janë përkatësisht Agron Nezaj e Dorian Duçka, të dy të lidhur me qeverinë shqiptare. Nezaj del në dosje si njeriu që i jep 225 mijë dollarë McGonigal në mënyrë që të ndërhyjë në FBI që të nisë hetimin për personin që po lobonte në SHBA për PD-në, në vitin 2017 kur drejtohej nga Lulzim Basha. Supozohet që bëhet fjalë për Nicolas (Nick) Muzin. Ndërsa Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI. Vetë Rama thotë se akuzat e ngritura ndaj McGonigal nuk kanë lidhje me të.
