Personi në foto është Lear Kurti, 32-vjeçari i cili ndërroi jetë mbrëmjen e djeshme pas shoqërimit në komisariatin nr.3 në Tiranë. Sipas AMP-së, pas shoqërimit në komisariat i riu u dërgua në spital në gjendje të rëndë, aty ku gjeti vdekjen.
Mirëpo spitali i Traumës në një reagim për mediat ka mohuar reagimin e AMP duke deklaruar se Kurti mbërriti në spital i pajetë.
Lear Kurti vdiq mbrëmjen e djeshme në Tiranë. 32-vjeçarit, iu kërkua të ndalonte nga policia për kontroll mirëpo nuk iu bind urdhrit, duke vrapuar. Ai u arrestua në ‘Don Bosko’, e më pas u shoqërua nga policia në komisariatin numër 3. Agjencia e Mbikëqyrjes Policore, informoi se gjendja e tij u përkeqësua e më pas u transportua tek Trauma, aty ku humbi jetën. Në media dyshohet se i riu ka gjetur vdekjen në komisariat.
Nga ana tjetër, dhe Spitali i Traumës ka dhënë një version ndryshe nga AMP, duke thënë se i riu është sjellë pa shenja jetë në spital. AMP do dalë me një njoftim zyrtar për të treguar shkakun e vdekjes pas ekspertizës.
