Kuvendi ka njohur kërkesën e Partisë Demokratike për grupin parlamentar. Kësisoj, Sali Berisha, edhe pse deklaroi se ishte pjesë e grupit parlamentar të PD-së, tashmë është zyrtarisht deputet pa grup parlamentar.
Kuvendi ka legjitimuar kështu kërkesën e PD, pa emrin e Sali Berishës, i cili u përjashtua nga kryedemokrati Basha. Sipas rregullores së Kuvendit një deputet që largohet nga grupi parlamentar, mund t’i bashkohet një grupi tjetër parlamentar vetëm pas gjashtë muajve nga data e largimit.
Aktualisht grupi parlamentar i Partisë Demokratike ka në përbërje 44 deputetë dhe kryesohet nga deputeti Alfred Rushaj.
