Ministrja e Bujqësisë, Frida Krifca ka mbajtur fjalën e saj në foltoren e kuvendit në përgjigje të interpelancës së thirrur nga deputeti i PS, Erion Braçe sa i takon dhënies së tokave bujqësore me qira.
Krifa tha se nuk dinte se nga të fillonte analizimin dhe përgjigjen ndaj prezantimit të bërë nga Braçe lidhur me pyetjet e ngritura mbi këtë interpelancë. Më tej ministrja tha se po kryhej procesi i digjitalizaimit për të bërë të mundur përditësimin e informacionit sa i takon tokave bujqësore në përdorim dhe fushave të tjera të bujqësisë.
“Është pak e vështirë të flas për interpelancën në mes të një prezantimi të bërë nga deputeti të cilën nuk di nga ta kap. Biem dakord bashkarisht që menaxhimi i mirë i tokës së bujqësore mund të bëhet nëpërmjet digjitalizimit të të dhënave. Digjitalizimi ka hapur në Ministrinë e Bujëqsisë, një kantier të rëndësishëm për përditësimin e informacionit. Ne po ndërtojmë për herë të parë regjistrin e fermës të plotë, një pasqyrë që na jep informacion të saktë jo vetëm për prodhimin e tokës. Më tej po vijojmë me një sistem të ri digjital me informacione nga terreni sa i përket shëndetit të kafshëve. Gjithashtu me digjitalizimin për sistemin e institutit të sigurisë ushqimore të bujqësisë që shkurton ndjeshëm kohën për përgjigjet e analizave”, u shpreh Krifca.
