Kuvendi i Shqipërisë i drejtuar nga Lindita Nikolla do të mblidhet sot në seancë plenare në orën 17:00.
Në këtë seancë do të përzgjidhen anëtarët e rinj të organeve të Kuvendit: Byroja dhe Sekretariatet, krerët e komisioneve të përhershme, anëtarët e komisioneve si dhe zëvendësuesit në përbërjen e komisioneve të përhershme.
Gjithashtu një tjetër pikë me rëndësi e axhendës së diskutimeve është caktimi i kryesive të komisioneve të përhershme të Kuvendit, ku PS dhe PD-ja do të japin propozimet e tyre. Në rend dite është caktuar edhe miratimi dhe ndarja e deputetëve në komisionet parlamentare siç janë propozuar nga partitë e tyre.
