Në seancën e jashtëzakonshme Kuvendi votoi me 81 vota pro kthimi i dosjeve të vettingut tek Avokati i Popullit për rishqyrtim.
Vendimi është miratuar me votat e mazhorancës, ndërkohë që deputetët e opozitës së djathtë nuk kanë qenë të pranishëm në sallë.
Parlamenti do i kërkojë Avokatit të Popullit rivlerësimin e listës me 79 aplikantë për të cilët ONM dha vlerësim pozitiv duke theksuar se një pjesë e tyre ka vetëm mangësi dokumentacioni.
Parlamenti i kërkon Avokatit të Popullit që të rivlersojë këtë listë dhe ti japë mundësi aplikantëve të plotësojnë dosjet e tyre. Për institucionet e vettingut aplikuan 192 kandidatë, nga këto Avokati i Popullit vlerësoi pozitivisht 29 për 27 vendet në institucionet e vettingut. Nga kjo listë me 29 kandidatë ONM vlerësoi negativisht 8 kandidatë duke lënë listën me vetëm 21 kandidatë për 27 vende. Në këto kushte parlamenti vlerëson që procesi të rikthehet edhe një herë tek Avokati i Popullit që të ketë më shumë kandidatë.
Pas kërkesës së kreut të grupit parlamentar të Partisë Socialiste, Gramoz Ruçi kuvendi shtyn votimin për projektvendimet e ngritjes së komisioneve për vettingun.
Avokatit të Popullit do t’i lihet një javë kohë për të vendosur se cilët do të jenë kandidatët përfundimtarë për anëtarët e komisioneve dhe më vonë do të dalë lista me të paktën 3 emrat e mazhorancës, që do të kontrollojnë punën e Avokatit të Popullit.
