Kryeministri Edi Rama ka qenë ditën e sotme në Kavajë ku janë shpërndarë shtëpitë e Rindërtuara pas tërmetit tragjik të 26 nëntorit 2019.
Nga Kavaja, Kryeministri Edi Rama i është përgjigjur pretendimeve sipas atij se shtëpitë po rindërtohen me paratë e ‘botës’.
Sipas Ramës, kjo gjë nuk është e vërtetë, sepse e meritat kryeministri i do për vete dhe për qeverinë, teksa u shpreh se shumica e rindërtimeve që bëhen bëhen nga qeveria shqiptare, përjashtim të disa shkollave që i ndërton BE, një lagjeje në Laç nga Turqia, dhe një lagje në Spitalle nga Princi i Kurorës.
“Tjetra që është e rëndësishme të thuhet. Këto nuk janë lekët e botës, se thonë janë lekët e botës. Jo, nuk janë lekët e botes. Në gjithë programin e rindërtimit, kontributin kryesor e ka qeveria shqiptare. Me gjithë vështirësite, ne ja dolëm të mos lëmë mangut asgjë për ta çuar deri në fund rindërtimin me fondet e qeverisë shqiptare. Ndërkohë që, partneret tane kane kontribuar dhe kontribojnë për një pjesë të shkollave, BE, për lagjen e re në Laç, Republika e Turqisë, dhe për lagjen e re në Spitallë, Princi i kurores së Emirateve të Bashkuara. Gjithçka tjetër është kontribut i taksapaguesve shqiptarë. Për të qene te qartë të gjithë. Sa i takon lekëve të botës, bota që na ka ndihmuar, lekët nuk na i jep ne. I bën vetë projektet, i cakton vetë kompanite, i paguan vetë për çdo punë që bën, dhe i përmbyll vetë punimet. Qeveria bën vetëm monitorimin e procesit. Gjithçka tjetër e bëjnë vetë partnerët. Të gjitha shkolat që bën BE i bën vetë BE, i paguan vetë. Nuk është një thes me para në Bruksel, në Stamboll, Abu Dabi dhe erdhën këtu, jo. Dhe tjetra që është shumë e rëndësishme, që këto u bënë me borxhe dhe borxhet do ti paguajmë ne. Nuk është e vërtetë. Ky është kontributi i buxhetit të shtetit për ata që kanë nevojë. Punën çdo qeveri e bën me taksat. Thonë ca pse krenoheni sikur e keni bërë me lëket tuaja. Qeveritë që kur kanë lindur këtë punë kanë bërë, të administrojnë taksat. Natyrisht që kemi bërë detyren se qeveritë prandaj zgjidhen për të bërë punën jo për të bërë vezë të kuqe“, tha Rama.
