Kryeministri Albin Kurti në seancën e Kuvendit ka raportuar para deputetëve për strategjinë e qeverisë së tij në dialogun me Serbinë në prag të takimit me Aleksander Vuçiqin në Bruksel.
Kurti ka pasur një lutje për deputetët e opozitës në fund të fjalimit të tij, raporton Express.
Ai i ka lutur ata që të mos e rrëzojnë sërish nga pozita e të parit të ekzekutivit.
“Ju lus të hiqni dorë nga parullat për antiamerikanizmin tonë. Më keni rrëzuar me ato parulla. E kam një lutje në fund për ju, mos më rrëzoni edhe njëherë se mandej……. Ju faleminderit!”, tha Kurti para deputetëve.
Në anën tjetër, kryetari i LDK-së, Lumir Abdixhiku tha se herën e parë Kurti e ka rrëzuar vetën dhe jo opozita.
