Policia e Kurbinit ka shpallur në kërkim ish-shefin e rendit në Policinë e Kurbinit, Ylli Vata.
Në bazë të përgjimeve të bisedave telefonike të pronarëve të parcelave me drogë prokuroria ka zbuluar bashkëpunimin e ish-shefit të rendit me shtetasit Luftar Nelaj, i arrestuar në nëntor 2016, dhe një pronari tjetër të një parcele me drogë.
Gjatë bisedës, ata thonë se kanë informacion se një ditë më vonë, pra të nesërmen e bisedës, shefi i rendit në Policinë e Kurbinit, Ylli Vata, do të shkonte me policët e tij për kontrollin e zonës.
Ylli Vata, me funksion shef i rendit në Komisariatin e Policisë Kurbin, akuzohet në kuadër të një hetimi për veprat penale “kultivim të lëndëve narkotike”, “grup i strukturuar kriminal” dhe “kryerje e veprimeve në kuadër të grupit të strukturuar kriminal”.
Prokuroria ka dhënë urdhër arrest për ish-shefin e rendit por ende nuk është zbatuar, pasi i dyshuari nuk është paraqitur në punë që prej ditës 13 shkurt 2017, dita kur i është caktuar edhe urdhër-arresti.
Përgjimet e bisedave telefonike:
A- Luftar Nelaj
B – Personi tjetër (kultivues parcelash me drogë).
Ylli Vata me grupin e kontrollit të policisë do të shkonte në zonën ku ka parcelat personi i emëruar me germën B.
A – A je tu e marr njiher n’telefon?
B – Po e mar unë, por kur don me ardh trama, nesër?
A – Po… nesër tha jena për rrugë mjes, masi t’pime kafe dikun tha…se kanë punt e veta, o burr… se kan për të shku me therr do kedha me i ven, edhe kur të kthejn, kan për t’ardhë me pa ato tujet.
B – D.m.th., nesër vijn aaaa?
A – Për zotin masdite tha… po pa merak o burr tha, se ska pse me u ashtuna…! …për siguri merre e thuj a ke maru punë me kan thuj, se mori daja thuj se kan për t’ardh o nesër mbasdite n’darket e takoni me i vena ty ke shpia juj.
B – Nesër qy n’mgjes kan me dalë ata eee?
A – Jan me i vena ta tu ashtuna se nuk ma tha… s’jan ka ken a, jan tu ashtu njiher.
B – A vin vet nesër, vet tramal?
A – Po do vin pra se m’tha… se i thash kshu, kshu, mduket kan gjet nji tjetër, asier n’bot tha, kush osh ai tjetër!!! ..kshu e mora vesh i thash se kur kan çu dikën tjetër… po jo or tha, se ato punime do t’i baj na… gjithsesi ti bone i telefonatë e thuj …a ke maru punë thuj se kan për tardh nesër me pa ene shpinë tate, ene ka na…. Shkurt e sakt.
B – Po.
A – Po m’trego t’lutem, aaa?
B – Po.
