Mbrëmjen e djeshme reshjet intensive të dëborës kanë zbardhur edhe Kurbinin
Reshjet e dëborës me këtë intensitet nuk ishin parë prej 32 vitesh në zonën e Fushë Krujës dhe Kurbinit ndaj dhe të shumtë ishin qytetarët që ju gëzuan.
Si pasojë janë krijuar vështirësi lëvizje në disa akse rrugore. Problematika më e madhe gjatë orëve të mëngjesit ka qenë në superstradën Milot-Fushë Krujë si pasojë e trashësisë së dëborës disa cm dhe pranisë së ngricave.
Punonjës të firmës kontraktore kanë hedhur kripë në segmentin Milot-Thumanë ndërsa nuk kanë ndërhyrë në pjesën tjetër të superstradës. Në superstradë u vendosën edhe efektivë të policisë rrugore dhe asaj të rendit, duke këshilluar drejtuesit e mjeteve që të lëvizin me kujdes.
Reshjet e dëborës me këtë intensitet nuk ishin parë prej 32 vitesh në zonën e Fushë Krujës dhe Kurbinit, ndërsa të shumtë ishin qytetarët që ju gëzuan dëborës.
