Nga Erion Kristo
Kur të fashitet kjo dashuria e madhe për futbollin e të tjerëve dhe ky diskutimi metafizik nëse jemi apo jo racistë, do pres me shumë durim, nëse ndokush do ndiejë keqardhje për vrasjen makabre të dy prindërve në sy të fëmijës së mitur.
Nëse ndokush do pyesë lidhur me “forcën e ligjit” dhe se çfarë ndodhi me familjet mafioze brenda një viti kalendarik.
Nëse ndokush do ulërasë për Gjykatën Kushtetuese të shkaterruar me qëllim që të mos kemi mundësi të kundërshtojmë proceset antiligjore që bluhen pa dëshirën tonë.
Nëse ndonjë spurdhjak do pushojë së dhëni këshilla ndaj meje se çfarë mi ul apo çfarë mi shton pikët.
Nëse ndonjë nga ne e ka kuptuar pse populli ynë ka thënë dikur: Edhe dhi e zgjebosur, edhe bishtin përpjetë.
Sot, lejohet çdo sharje ndaj meje. Jeni të mirëpritur. Nuk do fshij asnjë. Nxirreni qelbin.
