Çfarë duhet të bëjmë kur fëmijët na pyesin për seksin? Shpesh prindërit kapen ngushtë kur fëmijët bëjnë pyetje të tilla si “si krijohen bebet?” “çfarë është seksi?” etj.” Qasja direkte mbetet qasja më e mirë, që do të thotë prindi ia shpjegon fëmijës para se ai ta zbulojë vetë. Nxitja e bisedave të hapura me fëmijën është hapi i parë në fillimin e një komunikimi për edukimin seksual.
Shumica e prindërve bien dakord se moshat 9-11 vjeç janë mosha të përshtatshme për të filluar bisedat rreth seksit, por ndonjëherë ndodh që këto biseda fillojnë edhe më herët me persona të tjerë; miq të familjes, shokë e shoqe etj. Ndonjëherë prindërit mund të mbajnë nën kontroll dhe të informojnë personat rreth fëmijës për të çensuruar bisedat seksuale në sy të fëmijës para kësaj moshe, por jo gjithmonë mund të kontrollohen të gjitha burimet me informacione të tilla.
Është e rëndësishme që prindi të fillojë bisedat rreth seksit me fëmijën para se ai apo ajo të dëgjojë për të nga ndonjë burim tjetër informacioni. Fëmijët duhen parapërgatitur sepse nëse fillojnë të na pyesin, duhet të kuptoni se tashmë janë duke folur për këtë gjë me një shok apo shoqe. Më mirë të bisedojnë me prindin dhe të informohen drejt për këtë temë sesa të marrin informacion të pasaktë nga shoqet apo persona të tjerë.
Kjo video jo vetem do ju mesoje se si ta beni kete shpjegim para femijeve tuaj, por dhe do tju argetoje pa mase, pasi krijohen situata humori me reagimet e femijeve kur u flitet per spermen apo seksin.
[youtube https://www.youtube.com/watch?v=a3MyLt6l5n0&w=560&h=315]
