Ka përfunduar numërimi i votave në Kuvendin e ish-kryeministrit Sali Berisha për shkarkimin e Lulzim Bashës. Në një prononcim për mediat ish-kryeministri Sali Berisha e ka cilësuar si kufomë politike, Lulzim Bashën.
I pyetur nga gazetarët nëse do të shkojnë në selinë blu, Berisha tha se do të ndodhë sa më parë në momentin kur ta vendosim.
“Selia është aty e demokratëve. Do te shkojmë sa më parë që ta vendosim”,- deklaroi Berisha.
Një mesazh pati edhe për kryeministrin Edi Rama. “Ramës i them hiq dorë nga çdolloj përpjekje për ti garantuar mbijetesë pengut tënd, sepse hoqe apo nuk hoqe dorë ky revolucion do kthehet te ti”, -tha Berisha.
Kujtojmë se nga 4491 delegatë që ishin prezente, 4446 prej tyre votuan pro shkarkimit të Lulzim Bashës dhe 36 kundër.
