Në prag të fillimit të Kampionatit Europian të futbollit, kombëtarja shqiptare ka nisur stërvitjen që në orët e para të mëngjesit. Gjithçka ka startuar nën vëzhgimin e trajnerit De Biasi dhe ndihmësve të tij, me një seancë përgatitore, e cila do të zgjasë disa orë. Ndërkohë, në orën 17:00 të pasdites së sotme do të ketë një konferencë për shtyp dhe gjysmë ore më pas një tjetër seancë stërvitore.
Ajo që ra më shumë në sy këtë mëngjes në kampin stërvitor të kombëtares është siguria e lartë. Gatishmëria e policisë vendase qëndron afër kampit, ndërsa nuk mungojnë edhe qentë.
