Ministrja Mirela Kumbaro ka reaguar pas komenteve të shumta pas postimit të saj për librat.
Ajo citon autorin e shprehjes ” Ne duhet të kemi sërish libra të mirë. Nëse shkon në shtëpinë e dikujt që s’ka libra, mos u q* me të. Mos e lejo atë të të eksplorojë ty para se të eksplorojë universet sekrete të librit”, duke thënë se qëllimi i tij ka qenë të flitet për librat.
Sipas Kumbaros ky qëllim u arrit sërish, por në kurriz të saj ndërsa shton se shqiptarët kanë rënë pre e përkthimit të gabuar.
“Me keqardhje për të gjithë vorbullën e krijuar nga një citim origjinal i John Waters, i cili, siç ia arriti qëllimit kur e tha dhe bëri të flitej për librat, ia arriti përsëri edhe këtu, paçka se këtë herë keqkuptimet e keqinterpretimet ranë në “kurrizin” tim,
I ftoj të gjithë të mirëkuptojnë qëllimin nxitës për të mos e braktisur librin e leximin, si edhe të mos bien pre e përkthimit të gabuar, të këtij teksti”, shkruan Kumbaro.
