Ministrja e Kulturës, Mirela Kumbaro u shpreh se “Edukimi përmes kulturës” do të jetë prioritet i kësaj qeverie!
Gjatë aktivitetit për dhurimin e librave zhvilluar në Bibliotekën Publike “Gjergj Fishta”, në Lezhë, Kumbaro tha se të dhurojmë libra dhe të vazhdojmë traditën e kësaj zone që është e njohur për figurat e shquara në krijimtari.
Kumbaro vuri në dukje krijimin e bashkëpunimit të Ministrisë së Kulturës me bashkitë, nismë e cila fillon me Lezhën dhe zhvillohet në kuadër të programit “Edukimi përmes Kulturës”.
“Prej shumë vitesh bibliotekat vendore kanë qenë jashtë vëmendjes së bashkive. Arsyeja pse e nisëm këtë projekt nga Lezha, është se në këtë bibliotekë gjetëm dashuri për librin. Prandaj edhe e mirëpritëm projektin e Lezhës “Biblioteka lëvizëse”. Në të gjitha programet e Ministrisë së Kulturës prioritet mbetet lexuesi. Nëse nuk kemi lexues, nuk kemi autor, nuk kemi, përkthyes, nuk kemi botues”– u shpreh Kumbaro në fjalën e saj.
