Kukësi ka fituar pastër përballë Korabit me rezultatin 2-0. Dy golat që u shënuan në secilën pjesë të lojës ishin mjaftueshëm për të kaluar dibranët të cilët zhvilluan një lojë të mirë por vazhdojnë të kenë probleme të theksuara në finalizim.
Me ose pa Ernest Gjokën në sto, Kukësi finalizoi lojën me fitore. Dvornekovic shënoi golin e parë në minutën e 17-të teksa finalizojë një skemë mjaft ë bukur të ideuar nga Karioka. Në pjesën e dytë miqtë ishin më kërkues duke iu afruar golit në disa momente ndërsa Kukësi nuk përfitoi nga hapësirat që kanë dibranët në prapavijë sakaq Pero Pejic shënoi golin e qetësinë për Kukësin në minutën e 89-të.
Tre pikët ishin jetike për objektivat e Kukësit këtë sezon. Pas kësaj fitoreje Kukësi e sheh vetën në vendin e dytë në kuotën e 13 pikëve, ndërsa Korabi ngec në vendin e 8 me pesë pikë.
