Kukësi vazhdon të befasojë me rezultatet pozitive në takimet miqësore. Pasi mposhti Kaiserisporin para disa ditësh, skuadra e Pakult, ka triumfuar ndaj një tjetër skuadre të Superligës turke. Kampionët e Shqipërisë përmbysën Bursasporin, duke fituar me rezultatin 2-1.
Turqit kaluan të parët në avantazh në minutën e 33-të me Batajën, duke e mbyllur pjesë e parë në avantazh. Me fillimin e të dytës, Kukësi u hodh i gjithi në sulm në kërkim të golit dhe përgjigja nuk ka vonuar. Në minutën e 64-t, Eni Imami ka barazoi shifrat me një gol tepër të çuditshëm, në formë krosi.
Verilindorët nuk u kënaqën me barazimin dhe në minutën e 70-të shënuan golin e dytë me autor të sapo ardhurin Donjet Shkodra. Kujtojmë që skuadra turke e Bursaspor, mposhti Skënderbeun ditën e hënë me rezultatin e pastër 3-0.
