“Të gjithë e dimë se droga në Shqipëri është një çështje shumë e madhe”, kështu është shprehur eurodeputeti Eduard Kukan
Eurodeputeti Eduard Kukan nëpërmjet një deklarate nga Brukseli për ABC News është shrehur se droga në Shqipëri është një çështje shumë e madhe dhe për këtë eurodeputeti ka thënë se është i mirë infromuar.
“Jam shumë mirë i informuar për këtë çështje. Çështja e drogës është një problem gjigant për vendin. Qeveria dhe autoritete përkatëse duhet të tregojnë një qasje të pamëshirshme ndaj këtij problemi, sepse përndryshe do të ishte shumë e vështirë që të ndryshohej imazhi ndërkombëtar i Shqipërisë. Është një çështje shumë e madhe dhe mendoj se duhet të vihen në dispozicion të gjitha burimet e nevojshme për t’i dhënë fund këtij fenomeni, sepse është vërtet një çështje shumë e madhe dhe të gjithë këtu e dinë”, u shpreh Kukan duke vërtetuar se pavarësisht heshtjes deri tani, ndërkombëtarët janë në dijeni të situatës.
