Komisioni Europian ka reaguar lidhur me kriterin kryesor epidemiologjik për rihapjen e kufijve të jashtëm për Ballkanin Perëndimor, saktësisht heqjen e pengesave për udhëtimet jo-esenciale drejt Bashkimit Europian.
Pyetjes së gazetares Erisa Zyko ludhur me kriterin për 16 raste infektimi për 100.000 banorë konsiderohet si joproporcional dhe i padrejtë për vende me popullsi të vogla si shumica e vendeve të rajonit krahasuar me vende gjigande si Kina, India, Brazili, Shtetet e Bashkuara tê Amerikës, si dhe mundësisë për ta riparë këtë kriter, Komisioni Europian iu përgjigj përmes zëdhënësit, Adalbert Jahnz.
Jahnz ku u shpreh se kriteret janë aprovuar nga Këshilli i Ministrave të BE-së dhe secili shtet i aplikon.
Pjesë nga biseda:
Erisa Zyko: Pse vende të mëdha si Kina dhe Australia kanë të njëjtat rregulla me ne që jemi vende të vogla? Ju duhet ta dinit arsyen përse këto rregulla janë të njëjtat me shtetet e mëdha pasi keni qenë ju si Këshill Europian që keni propozuar Komisionit Europian.
Adalbert Jahnz: Kriteret që përdoren nuk janë vetëm të Komisionit Europian. Ato janë propozuar nga Komisioni, por ato janë aprovuar nga Këshilli i ministrave të Bashkimit Europian dhe secili shtet anëtar i aplikon këto kritere për çdo vend. Lidhur me faktin, se si zbatohen këto kritere, do t’ju adresoja te Këshilli i ministrave. Pyetjes, nëse kemi marrë ankesa lidhur me këtë, më duhet t’ju them, se në parim jo. Ndërkohë, lidhur me kriterin e numrit të infektimeve për një njësi të caktuar të popullsisë, mesa kuptoj, kjo është bërë pikërisht për të neutralizuar efektin e masës së popullsisë një vendi specifik për të cilin zbatohet. Gjithsesi, do të doja t’ju rikujtoja, që ka kritere të tjera lidhur me trendin e pandemisë dhe trajtimin e pêrgjithshëm të saj. Pra, ka vend manovrimi për Këshillin për të konsideruar një situatë specifike.
