Sara Hoxha, partnerja e Ledri Vulës, nuk ngurron t’i marrë me sportivitet edhe komentet jo aq të bukura apo edhe t’i ndajë me të tjerët ato.
Ajo është shumë aktive në rrjetin e saj social Instagram ku poston foto dhe video nga e përditshmja e saj. Kështu ka bërë së fundmi përmes një postimi kur u ka treguar ndjekësve një mesazh që dikush i ka shkruar. Ajo ka postuar një foto në Instastory dhe një person mendon se gjoksi i Sarës është i vogël.
“Ku shkon pa c*ca”, i ka shkruar ndjekësi teksa Sara ka shkruar me ironi: “Hë pra ku?”
Nuk e dihet se ku po shkonte Sara por me siguri kjo nuk do e ndalojë së postuar foto të tjera.
Kujtojmë se, Ledri dhe Sara janë një nga çiftet më të dashura shqiptare. Lidhja e tyre u zbulua vite më parë, por vetë çift konfirmoi lajmet në prill të 2020. Asokohe, Ledri publikoi një foto me Sarën teksa shiheshin të përqafuar. Më pas, të dy janë shfaqur të pandarë teksa nisën bashkëjetesën në Prishtinë. Një sakrificë nga Sara për dashurinë pasi ajo është rritur dhe jetonte në Gjermani para se të njihte Ledrin. Në po të njëjtin vit ata njoftuan se do bëhen prindër për herë të parë.
Në dhjetor të 2020, çifti mirëpriti në jetë një vajzë që i vendosën emrin e veçantë Poem Blu. Ata nuk kanë ngurruar ta shfaqin të bijën në rrjetet sociale madje i kanë krijuar edhe një llogari me emrin e saj në Instagram.
Brenda pak kohësh Sara fitoi shumë popullaritet dhe numëron mbi 400 mijë ndjekës në Instagram. Pavarësisht kuriozitetit të madh të njerëzve, ajo nuk është shfaqur asnjëherë në asnjë intervistë duke zgjedhur rrjetet sociale si urën e vetme lidhëse me ndjekësit.
