Institucionet e drejtësisë nuk ekzekutojnë vendimin e formës së prerë të gjykatës për kryerjen e ndërhyrjes kirurgjikale për një të dënuar
Komiteti Shqipëtar i Helsinkit i ka dërguar një kërkesë gjykatës Kushtetuese për mënyrën e trajtimin ndaj të burgosurit.
Sipas KShH, gjykata e Krujës ka vërejtur trajtim çnjerëzor ndaj një të dënuari të dëmtuar gjatë burgosjes dhe ka urdhëruar kryerjen e ndërhyrjes kirurgjikale.
Megjithëse vendimi gjyqësor ka marrë formë të prerë dhe është vënë në ekzekutim menjëherë, Drejtoria e Përgjithshme e Burgjeve, burgu i Krujës dhe institucionet shtetërore nuk kanë marrë masat e nevojshme për zbatimin e tij.
Kjo ndërhyrje vlerësohet të jetë shumë komplekse dhe kërkon një gamë të gjerë pajisjesh dhe mjetesh të cilat shteti nuk i disponon plotësisht.
Komiteti Shqipëtar i Helsinkit ka bërë me dije se do të vazhdojë ndjekjen e kësaj çështje me qëllim realizimin e plotë të të drejtave të njohura me ligj për shtetasin e dënuar me burgim.
Së fundmi çështja është pranuar dhe nga Gjykata Kushtetuese.
