Kryetari i Lidhjes Social Demokrate, Nenad Çanak ka folur rreth festimit të Krsnas skllave nga Ushtria e Serbisë.
Çanak ka thënë se ku e ka marr guximin ushtria e një shteti sekular të pagëzohet, duke thënë se kjo e fundit po përdoret nga Kisha Ortodokse e Serbisë.
“Që kur ushtria e një shteti sekular e feston Krsnan sllave? A e dini çfarë do të thotë kjo? Ushtria po bëhet një forcë e armatosur i Kishës Ortodokse të Serbisë, që qytetarët të pushojnë së ekzistuari dhe të kthehen në tufë”, ka reaguar Çanak në në postim në Twitter.
Krsna sllave në Shtabin e Përgjithshëm të Ushtrisë për nder të Shën Gjergjit është mbajtur dje në kazermën Banjica 2 në Beograd dhe liturgjia është kryer nga patriarku Porfirije.
Kujtojmë se pretendime ndaj Kosovës nuk ka vetëm shteti serb, por edhe Kisha Ortodokse Serbe. Madje sipas Kishës dhe narracionit të saj, pretendimi mbi Kosovën daton që nga mesjeta e hershme.
Qëndrimi i tyre në Kosovë pretendohet të jetë detyrë e shenjtë dhe vetë Dioçeza e Kishës Ortodokse Serbe në Kosovë e prezanton veten si “bastion kundër të pafeve, josllavëve dhe joserbëve” që për 1000 vjet rresht është përballur me sfida të Golgotës.
