Kryeprokurori Adriatik Llalla ka refuzuar t’i përgjigjet pyetjeve të bëra nga gazetarët lidhur me kërcënimet që e detyruan të largonte familjen nga Shqipëria .
Kryeprokurori ka thënë: “Jam thjesht për një vizitë zyrtare në Korçë dhe nuk ndalem në gjëra të tilla”.
Prokurori i Përgjithshëm ishte sot në Korçë, ku zhvilloi një takim me homologun e tij maqedonas. Gjithashtu ai vizitoi dhe Prokurorinë e Korçës.
Pak ditë më parë, mediat zbuluan se kryeprokurori Llalla është detyruar të largojë fëmijët dhe bashkëshorten shtatzënë nga Shqipëria në një vend aleat, pasi dy muaj më parë në telefonin e tij kanë mbërritur telefonata dhe mesazhe kërcënuese anonime.
