Kryetarja e LSI Monika Kryemadhi ka marrë fjalën e saj në foltoren e kuvendit duke kërkuar me tone të larta ndërprerjen e kësaj seance plenare dhe rishikimin edhe njëherë të rendit të ditës për zgjedhjen e kryeprokurorit.
Kryemadhi theksoi më tej në fjalën e saj se historia e zgjedhjes së prokurorit të përkohshëm nuk mund të vazhdojë që sipas saj shërben vetëm për të mbuluar pisllëqet dhe trafikun e drogës.
“Kjo seancë plenare duhet të ndërpritet dhe të rishikohet rendi i ditës, veçanërisht zgjedhja e prokurorit të përkohshëm i cili nuk mund të jetë në asnjë vend. Kjo punë ka marrë fund, nuk mund të vazhdojë kjo histori, ju doni një prokuror të përkohshëm për të mbuluar zullumet tuaja por harrojeni. Nuk ka prokuror të përkohshëm i cili do shërbejë për të mbuluar pisllëqet dhe trafikun e drogës”, u shpreh Kryemadhi.
