Kryetari i Kuvendit të Maqedonisë, Talat Xhaferi është shprehur se do ta mbajë në zyrën e tij flamurin kombëtar në përputhje me ligjin.
Në emisionin Click Plus në televizionin 21, Xhaferi sqaroi që në zyrë mund të mbahen dy flamuj, dhe normat ligjore e lejojnë atë të mbajë flamurin shtetëror dhe flamurin kombëtar.
“Në zyrën time siç e lejon normal ligjore do të jetë i pranishëm flamuri kombëtar. Në vendin official është i përcaktume me kushtetutë, që dy flamuj, për faktin se flamuri kombëtar rezulton edhe me flamurin shtetëror të Shqipërisë, dhe nuk mundën në të njëjtën kohë të jenë në një institucion shtetëror, pasi këto janë norma ndërkombëtare. Formën që e lejon norma ligjore në tavolinën time do të jetë edhe flamuri kombëtar”, theksoi Xhaferi.
