Qeveria greke njoftoi se kryeministri Cipras e ka anulluar vizitën e tij në Shqipëri në vigjilje të pashkëve ortodokse, ashtu sikundër kishte rënë dakord.
Cipras e ka anulluar pa afat vizitën e tij në Shqipëri, për arsye që zyrtarisht nuk u bënë të ditura.
Cipras kishte planifikuar që nga 6 deri më 8 prill të qëndronte në një rezidencë të siguruar nga Rama, në Korçë, bashkë me familjen e tij dhe me një ekip të ngushtë pune nga qeveria.
Por, kjo agjendë u anullua sot dhe po sot, u njoftua mbërritja nesër e ministrit të jashtëm grek, Nikos Kotzias për një vizitë të jashtëzakonshme në Tiranë, për katër orë.
