Kryetarja e LSI, Monika Kryemadhi deklaroi në një konferencë për mediat se ditën e mërkurë LSI do të mbështesë protestën e fermerëve.
Ajo u shpreh se ka ardhur koha që fermerët shqiptarë të kërkojnë të drejtat e tyre, duke mos lejuar shtetin t’i shkelë.
Sipas Kryemadhit, LSI ka një program të qartë ku nuk do të lejojë vjedhjen e rilindasve dhe largimin e shqiptarëve.
‘Kjo qeveri në paaftësi të saj krijoi një dëm në uljen e eksportit, pra uli eksportin e produkteve shqiptare. Kjo qeveri ka në qendër vjedhjen, grabitjen e atyre që punojnë në sera. Kjo qeveri nuk solli gjë tjetër veçse pasurimin e saj. Sot qeveria ka në mendje vetëm PPP, ku paratë shkojnë për oligarkët. Numri i kamionëve me perime dhe të tjera mallra janë ulur tejet masa. Qeveria ka goditur fermerët shqiptarë. Kjo qeveri do vetëm skllevër modernë, pa gjuhë e pa krenari. Në emër të LSI mbështesim protestën e fermerëve të mërkurën. Me këtë deklaratë, dua të them se do të shohim çdo polic në veprimet që kryejnë. Nga kjo foltore garantoj që do ti kemi sytë hapur për cdo punonjës policie që kërcënon fermerët ditën e mërkurë për të mos u bërë pjesë e kësaj proteste. Nuk mjafton që ju grabisin kafshatën e fëmijëve, por tashmë kanë shkuar edhe më lart për ti kërcënuar të paktën as mos ti lënë që të shprehin apo qajnë hallin e tyre në rrugë’, tha ndër të tjera kryetarja e LSI.
