Kryetarja e LSI Monika Kryemadhi deklaroi gjatë një takimi me strukturat e LSI-së në njësinë nr.11 në Tiranë, se Kryeministri Rama për shkak të protestës së nesërme e ka rrethuar kryeministrinë sepse sipas saj, atij i dhimbset më shumë neoni se sa shqiptarët, minatorët dhe të rinjtë
Sipas Kryemadhit, Rama ka ikur që dje, por ikja e tij sipas saj nuk mund të mbajë peng të ardhmen e shqiptarëve.
“E keni parë si e ka rrethuar veprën e tij artistike si të ishte në diskotekë? Sikur të kujdesej për shqiptarët aq sa është kujdesur për dekorin e kryeministrisë do të ishim shumë të lumtur. Më shumë i dhimbset neoni se sa shqiptarët, minatorët, të rinjtë… Ai njeri ka ikur që dje, por ikja e tij nuk mund të mbajë peng të ardhmen e shqiptarëve. Shqipëria është shtëpia e shqiptarëve. Për Ramën mund të jetë kolibe qensh, por ne këtu do të ndërtojmë të ardhmen tonë, vend më të bukur nuk ka”, – u shpreh Kryemadhi
Ajo tha ndër të tjera se 16 shkurti ndan Shqipërinë nga tranzicioni.
