Kryebashkiaku i Nju Jorkut, Eric Adams deklaroi sot se do të konvertojë pagën e tij të parë, këtë javë në dy kriptovaluta Bitcoin dhe Ethereum dhe jo në dollarë.
Adams bëri të ditur edhe njëherë, mbështetjen dhe dëshirën e tij që Nju Jorku të bëhet qendër e kripto monedhave.
“Nju Jorku është qendra e botës dhe duam që ky qytet të jetë qendra e kriptovalutave dhe risive të tjera financiare”, tha Adams.
Pasi u zgjodh në krye të Nju Jorkut, Adams propozoi që kriptovaluta dhe teknologjia blockchain të mësohen në shkolla.
Në SHBA po zhvillohet një betejë e ashpër midis Nju Jorkut dhe Majamit për marrjen e qendrës së kriptos.
