Deputetja e opozitës së re, Rudina Hajdari ka deklaruar se shkaku i kësaj krize politike ku ndodhemi është drejtëpërdrejtë indiferenca e qeverisë ndaj situatës së krijuar.
Në një postim në Twitter, Hajdari fton të gjithë partitë politike të ulen në tryezën e bisedimit për zgjidhje e shumë pritur.
Postimi i plotë:
“Marrëveshja ndërmjet partive politike të opozitës për mospjesëmarrje në zgjedhjet lokale, e shikoj si një fatalitet politik.
Nga ana tjetër, indiferencën e qeverisë për situatën e krijuar dhe uria absolute e saj për të gllabëruar çdo ditë pushtet, nuk përbën gjë tjetër, veçse shkakun e drejtë për drejtë të kësaj gjëndjeje.
Sa nuk është vonë të gjithë ata që duan të ardhmen e Shqipërisë, nuk duhet të qëndrojnë indiferentë, por të ulen në tryezën e bisedimit për të gjetur zgjidhjen e shumë pritur.”- shkruan Hajdari
