Kriza në Shqipëri/ Historia e të riut që iku gjashtë herë me gomone në Angli: Jam pa letra

Danieli është në radhët e të rinjve që sakrifikoi jetën vetëm që të largohej nga Shqipëria me shpresën se në Angli do të fillonte shumë shpejt një të ardhme të re.Ashtu si shumë shqiptarë të tjerë, ai përdori gomone për të arritur në destinacion që donte.Për emisionin “Shqipëria Live” , Danieli tregoi se ka ikur me gomone pesë ose gjashtë herë, ndërsa rruga e parë është bërë në moshën 22-vjeçare.Shqiptari ka ikur dhe është rikthyer në vendin e tij ku ka hapur edhe një biznes gjatë vitit 2018, por pa sukses.“Hapa një biznes por nuk funksionoi. Të gjitha nuk funksionojnë atje, realiteti i keq. Një rrogë që punoja 17 orë, ishte shumë e lodhshme dhe taksa e shpenzime, prandaj nuk ia dola”, u shpreh emigranti.Pas rikthimin në Shqipëri ai humbi edhe letrat, prandaj sot e kësaj dite ai ka ikur sërish në Angli ku po punon.“Unë aktualisht jam pa letra. Në Shqipëri jeton për mbijetesë por unë kam lindur për të jetuar dhe jo për të mbijetuar”, tha ai.“Njerëzit kur e shohin herën e parë zhgënjehen se e shohin në foto, por është shumë e vështirë në fillim. Kam punuar 12 orë për 30 paund në fillimet e mia”, shtoi më tej.Njëkohësisht ai tregoi një nga rastet më të vështira gjatë udhëtimit me gomone, ku mjegulla i ka penguar për të mbërritur dhe kanë qëndruar për gjashtë orë në det.“E kam provuar pesë ose gjashtë herë me gomone. Ka pas raste që na kanë kapur. Një nga rastet kishte shumë mjegull dhe s’dinim nga të shkonim, kemi ndenjur gjashtë orë në ujë. Rreziku ekziston në çdo kohë”, u shpreh Danieli.