Eksperti i Ekonomisë Dritan Shano, ka komentuar sot gjatë një interviste televizive krizën ekonomike në të cilën ndodhet vendin jonë. Ai tha se lufta në Ukrainë shërben si justifikim se çfarë ka ndodhur më para, pasi në të vërtet sot po vuajmë pasojat e paaftësisë që ka treguar qeveria. Sakaq, ai paralajmëroj se më këto kushte që jemi dhe fakti që nuk po merren masa, ka gjasa që të vazhdojmë në krizë edhe për 2 vite të tjera.
“Lufta në Ukrainë shërben si justifikim se çfarë ka ndodhur më përpara. Ne jemi importues neto të të gjitha mallrave që lidhen me ekzistencën e një familje apo individi. Çdo inflacion që shfaqet në partnerët tanë tregtarë, kryesisht në Itali, do të transmetohet në një kohë vonesë në tregun shqiptar. Në treg ka më shumë para se sa produkte. Në gjykimin tim do të vazhdojmë të kemi këtë krizë për një ose dy vite të tjera. Nuk mund të përdoret Ukraina si një filtër për të treguar që çmimet që po rriten po rriten për shkak të Ukrainës, dhe jo për shkak të qasjes së qeverisë ndaj pandemisë”, u shpreh Shano.
Më tutje, eksperti tha se qeveria ka disa instrumente në dorë për të ndërhyrë për krizën ekonomike, ndërsa shtojë se bordet që janë krijuar janë një artificë. Shano shtoi se nuk mund të caktohet çmimi në një ekonomi tregu.
