“ Nuk do të hapim kufijtë dhe as nuk do të ngremë muret, jemi gati të bashkëpunojmë brenda një plani të përbashkët europian”
Jemi gati të marrim pjesën që na takon në krizën e refugjatëve, tha kryeministri Rama, në konferencën e përbashkët me shefen e politikës së jashtme të BE-së, Federika Mogherini. Kreu i qeverisë theksoi gjtihashtu se as nuk do hapim kufinjtë por as nuk do të ngremë mure duke marrë përgjegjësinë brenda planit evropian.
“ Sa i takon krizë së emigrantëve Edi Rama tha: Nga ana jonë do të vazhdojmë të bëjmë gjithçka na takon. Do të përballojmë dhe krizën e rëndë të refugjatëve, Shqipëria është vend i voglë por asnëjherë nuk i ka bërë bisht përgjegjësisë së vet në cdo sfidë. Jemi besnik ndaj vlerave e parimeve të Europës. Mbetemi të gatshëm të marrim pjesën tonë edhe në këtë sfidë por jemi të vetëdisjshëm se nuk mund të shpëtojmë të vetëm botën.
Nuk do të hapim kufijtë dhe nuk do të ngremë muret, jemi gati të bashkëpunojmë të marrim pjesën tonë të përgjegjësisë brenda një plani të përbashkët europian. Vendime unilaterale të vendeve të tjera janë pa lidhje nga ato çka na takon të bëjmë të gjithë bashku dhe nuk mund të jenë një imponim për ne. Kjo nuk është sfida e Italisë apo e Greqisë, nuk mund dhe nuk ka si të jetë sfida e Ballkanit apo aq më pak e Shqipëria por është sfida e Europës”, tha Rama.
