Kryetari i PD-së, Lulzim Basha akuzon qeverinë për menaxhimin e sistemit energjetik.
“Të enjten do të zhvillohet seanca plenare e javës, jo vetëm rendi i ditës, por edhe gjendja që ka pllakosur vendin janë tregues i qartë se kemi të bëjmë jo me një krizë energjetike, por korrupsioni që ka nisur me vendimin që në verë të zbrazej Kaskada e Drinit dhe të shitej me 1/3 e çmimit që do të blihet tani energjia, pasuria e Shqipërisë. Pra e shitën 60-70 mln euro dhe do ta blejnë 220 milionë euro.
Që ta blejnë do të duhet të marrin borxh, ta nxjerrin nga xhepat e shqiptarëve, kjo është arsyeja që nuk është krizë energjetike, por korrupsioni. Në një vend normal nga i pari i sektorit, përgjegjës politikisht, te drejtuesit Çela e etj, duhet të ishin të pandehur. Por ndërkohë që presim që drejtësia të mos zdërhallet tapeve të kuq në Tiranë, por të bëjnë detyrat e tyre para shqiptarëve, ne nuk mund të rrimë duarkryq. Kjo javë do të vazhdojë me një ofensivë. Kjo krizë po përkthehet në një rritje çmimesh të gjithanshme” tha ai.
Lajmi ne perditesim…..
