Ish-presidenti i Republikës Srpska, Radovan Karaxhiç, u dënua sot me burgim të përjetshëm. Karaxhiç është dënuar më 2016 me 40 vjet burg, duke u shpallur fajtor për gjenocid në masakrën e Srebrenicës më 1995.
Gjykata në Hagë ka kundërshtuar apelin e ish-liderit të serbëve të Bosnjës dhe i ka zgjatur dënimin me burgim të përjetshëm.
Në Srebrenicë janë vrarë më shumë se 8,000 burra dhe djem myslimanë nga forcat serbe të Bonjës, për të shënuar mizorinë më keqe në Evropë. Siç ishte raportuar, Karaxhiç e ka cilësuar dënimin e tij si rezultat i një “gjykimi politik”, ndërkohë që avokatët e tij kanë insistuar se prokurorët dhe gjyqtarët kanë bërë një varg gabimesh gjatë gjykimit të tij shtatëvjeçar.
